Көкшетау қаласындағы Ботай мәдениеті туралы дәріс-көрме
2024 жылдың 6 маусым күні "Ботай" мемлекеттік тарихи-мәдени музей-қорығының қызметкерлері Көкшетау қаласының Ақмола облыстық тарихи-өлкетану музейінде №18 мектеп оқушыларына Ботай мәдениеті жайлы дәріс пен көрме ұйымдастырды.
Ботай – тарихи орын! Мұнда 6 мың жыл бұрын асауға алғаш рет ауыздық салынды. Яғни, Қамбар ата төлдері қолға үйретілді. Бұл дерек ғылыми тұрғыда дәлелденгені баршамызға мәлім.
Аталмыш іс-шарада оқушыларға Ботай қонысын зерттелуі,тарихы және де құнды жәдігерлері жайлы деректер айтылды.
«Ботай» қорық-мұражайына экскурсия
2024 жылдың 5 маусымында №2 Саумалкөл мектеп-гимназиясының мектеп жанындағы лагерьдің қатысушылары "Ботай"мемлекеттік тарихи-мәдени музей-қорығына экскурсияға келді .
Экскурсия да Ботай мәдениетінің ашылуы, тарихы және зерттеу жұмыстары жайында ақпараттармен бөлісті. Сондай ақ оқушылар назарына ботайлықтардың ежелгі тұрғын үйлерінің реконструкциясы, жабайы жылқыны қолға үйрету жөнінде мәліметтер ұсынылды. Сондай-ақ ботайлықтардың күнделікті тұрмыста қолданылған ежелгі құралдар,қару-жарақтар көрсетілді.
Тарихтан туған рәміздер
2024 жылдың 4 маусым күні «Ботай» музей-қорығында Айыртау ауданының өмірлік қиын жағдайға тап болған балаларды қолдау орталығының тәрбиеленушілеріне «Тарихтан туған рәміздер» тақырыбында тақырыптық экскурсия ұйымдастырылды.
Экскурсия аясында музей қызметкерлері балаларды бұйымдарды өңдеудің ежелгі технологияларымен, құралдарымен таныстырды.
«Ботай» қорық-мұражайына экскурсия
Бүгін, 30 мамыр күні «Ботай» мемлекеттік тарихи-мәдени музей-қорығына «Солтүстік Қазақстан облысы әкімдігінің мәдениет,тілдерді дамыту және архив ісі басқармасының басшысының м.а. Санат Амангелдіұлы Әубәкіров келіп, «Ботай» музей-орығының экспозициялық залымен танысты.
Археологиялық тәжірибе
«Ботай» мемлекеттік тарихи-мәдени музей-қорығы жыл сайын студенттермен бірге археологиялық практикалық қазба жұмыстарын жүргізеді. Биылда Ботай қонысына Шоқан Уәлиханов атындағы Көкшетау университетінің «Тарих, география және ӘГП» кафедрасы, 6В02201 "Ғылыми тарих", "Тарих және дінтану" мамандығының 1 курс студенттерінің археологиялық практикасы басталды.
