"Ботай» мемлекеттік тарихи-мәдени музей-қорығы Саумалкөл ауылының №1 орта мектебінің туризм және өлкетану бағытындағы “ «Жас өлкетанушы» үйірмесінің оқушыларына «Ботай- солтүстік далаларының қазыналары» тақырыбында дәріс оқыды.

Дәрістен оқушылар энеолит дәуіріндегі Ботай мәдениетінің жәдігерлерімен танысып, Ботай қонысы туралы көптеген мағлұматтар алды. Дәріс соңында, оқушыларға сұрақтар қойылып, тақырып аясында көптеген ақпараттар берілді.

Бүгін, 2023 жылғы 12 желтоқсанда ҚР Ұлттық музейінің ғимаратында Қазақстан Республикасының Тәуелсіздік күні қарсаңында және «Ботай» музей-қорығының 5 жылдық мерейтойына орай ҚР Мәдениет және ақпарат министрлігінің «Ботай мемлекеттік тарихи-мәдени музей-қорығы» РМҚК « «Ежелгі Ботай: дала өркениеті мен қазақ мемлекеттілігінің бастауында» »тақырыбында ғылыми-практикалық конференция өткізді.

2023 жылдың 8 желтоқсан күні «Ботай» мемлекеттік тарихи-мәдени музей-қорығының қызметкерлері Петропавлск қаласынан келген қонақтар үшін музей-қорықтың экспозициялық залы бойынша экскурсия жүргізді.
Қонақтар Ботай мәдениетінің артефактілерімен танысып, бірегей жәдігерлер туралы толық мағлұмат алды. Экскурсия соңында келушілер музей қызметкерлеріне алғыстарын білдіріп, гүлдену мен қайталанбас олжалар тіледі.

2023 жылдың 5 желтоқсан күні "Ботай" мемлекеттік тарихи-мәдени музей-қорығының ғылыми қызметкерлері Көкшетау қаласының Красный Яр ауылының 5-6 сынып оқушыларына «Ботай мәдениеті» атты көрме және дәріс ұйымдастырды.

Аталмыш іс-шарада оқушыларға Ботай мәдениетінің ашылуы, тарихы және зерттеу жұмыстары жайында ақпараттармен бөлісті. Сондай ақ оқушылар назарына ботайлықтардың ежелгі тұрғын үйлерінің реконструкциясы, жабайы жылқыны қолға үйрету жөнінде мәліметтер ұсынылды. Сондай-ақ ботайлықтардың күнделікті тұрмыста қолданылған ежелгі құралдар,қару-жарақтар көрсетілді.