Бүгін Саумалкөл ауылында Creative IT Centre ашылуы аясында маңызды шара өтті — «Ботай» музей-қорығына жаңадан берілген ғимаратта Ботай мәдениетіне арналған көрме ұйымдастырылды.
Іс-шараға Солтүстік Қазақстан облысы әкімінің аппарат басшысы Руслан Алишев,аудан әкімі және ауданның атқарушы органдарының өкілдері қатысты.
Келушілерге мазмұнды бағдарлама ұсынылды: «Ботай» музей-қорығының қорынан алынған Ботай мәдениетіне арналған суреттер көрмесі, бірегей археологиялық артефактілер экспозициясы және шеберлік сабақтары ұйымдастырылды.
Аталған шара музей-қорықтың дамуына, тарихи-мәдени мұраны насихаттауға және тұрғындар мен жастар үшін жаңа мәдени-білім беру мүмкіндіктерін кеңейтуге бағытталған маңызды қадам болды.